|
مطبوعاتي اعلاميه
د تلې
٦مه،
١٣٨٧ چې
د سپټمبر له ٢٧، ٢٠٠٨ سره سمون خوري
افغانستان، کابل
د
مرکزي ثبت نوې اداره سوداګريز خنډونه ليرې کوي
د
افغانستان د مرکزي ثبت نوې اداره چې له دې وروسته
شرکتونو او سوداګريزو فعاليتونو پورې اړوندې ټولې چارې
په يوه اداره کې ثبتوي، د سوداګرۍ او صنايعو په وزارت
کې پرانيستل شوه.
" د
سوداګرۍ او صنايعو وزير ډاکټر مير محمد امين فرهنګ د
دې ادارې د رامنځته کيدو په باب داسې وويل: افغان
سوداګر او پانګوال له دې وروسته کولی شي چې خپل
سوداګريز فعاليتونه او مشاغل په چټکۍ، کم لګښت او
آسانتيا سره ثبت کړي او دا د نوموړو شرکتونو لپاره تر
ټولو غوره لار ده ."
هغه زياته
کړه: د ثبت دا کمپيوټري سيسټم له افغانستان سره مرسته
کوي چې د ثبت خپلې چارې له نړيوالو معيارونو سره
برابرې کړي. ثبت يا رجسټريشن به له شرکتونو سره د
مشتريانو او پانګونې په راجلبولو، دولتي خدماتو ته په
لاسرسي او بانکي پورونو په اخيستو کې مرسته وکړي."
ټول
افغاني شرکتونه د قانون له مخې مکلف دي چې ثبت شي او د
ماليي تشخيصيه شميره (TIN)
ترلاسه کړي. د ثبت په نوې مرکزي اداره کې، شرکتونه
کولی شي چې خپل ځان ثبت کړي، د ماليې تشخيصيه شمېره
ترلاسه کړي او خپل نوم په رسمي جريده کې خپور کړي. دا
ټوله پروسه چي مخکې يي څو ورځې نيولې، اوس له ٢
ساعتونونه کم وخت اخلي.
د سهامي او
محدودالمسؤليت شرکتونو نوي قانون له مخې د مرکزي ثبت
ادارې جوړيدل ضروري دي. افغاني سهامي او محدودالمسؤليت
شرکتونه بايد په يو کال کې د ننه له سره ځانونه ثبت
کړي.
د ثبت نوې
مرکزي اداره د متحدو ايالتونو د حکومت په مالي مرسته
بيا ورغول او ترميم شوه.
خپل
شرکت په آسانۍ سره ثبت کړۍ
د مرکزي ثبت دفتر د یواځنۍ مرجعی په توګه د شرکتونو د
ثبت د ټولو چارو د سمبالولو لپاره په دی وروستیو کی
جوړ شوۍ دۍ.
اوس تاسی کولای شۍ تر څو خپل شرکت په آسانۍ سره ثبت کړی.
ټول افغانی شرکتونه باید د قانون پر بنسټ ثبت او راجستر
شي او همدارنګه د مالیې ورکوونکي د
پیژندنې شمیره یاTIN
لاسته راوړی. هغوی کولای
شي ترڅو دا دواړه کارونه د مرکزی ثبت په دفتر کې تر
سره کړي.
هر شرکت یو ځلې ثبت
کیږي خو که چېرته هغه
معلومات چی د ثبت مرکزی دفتر ته وړاندې شوي وي تغییر
و مومی نو باید بیا ثبت شي. همدارنګه د شرکتونو تړل
یا د سوداګریزو فعالیتونو
بندول هم باید ثبت شی. د
ثبت لړۍ د تجارتی جواز د اخسیتنی له بهیر څخه توپیر
لری.
د کمپیوټري ثبت نوی سیسټم به د
افغانستان د ثبت او راجستر لړی له نړیوالو معیارونو
سره برابره
کړی. دا د افغاني تشبثاتو د ملاتړ په لور یو بل ګام
ګڼل کیږی چی د سوداګرۍ او صنایعو وزارت له خوا پورته
شوی دۍ.
د ثبت پړاوونه:
د غوښتنلیک د فورمې ډکول
د TIN
یا د مالیه ورکوونکي د پیژندنې د شمېرې اخیستنه
په رسمي جریده کی خپرول
د فیس ورکړه
لګښت:
د تجارتي شرکت ثبت، تغییر یا بندول: ۵۰۰ افغانی
د صکوکو فیس: د مالیې وزارت د لایحې سره سم
په رسمی جریده کی خپرول:
۲ افغانی پر یوه حرف/ تر ۱۰۰۰ افغانیو پورې
کاري ساعتونه
د شنبې او چارشنبې په
ورځو
د سهار له ۹ بجو څخه د مازدیګر تر ۳ بجو پورې
د پنجشنبې ورځ:
د سهار له ۹ بجو څخه د غرمې تر ۱۲ بجو پورې
دنوی شرکت د ثبت
پړاوونه
د غوښتنلیک فورمه ډکه کړی. پرته له دې
چی تاسی د جواز ورکولو
په دفتر کی کار کوی یا نه باید د
غوښتنلیک
یواځی
یوه فورمه ډکه
کړی.
د ثبت د دفتر کارکوونکي به
ستاسو سره په دې اړوند مرسته وکړي.
د شرکت د ریس او معاون اته اته قطعې عکسونه ورسره ضمیمه
کړی.
د فیس ورکړه
د تجارتی شرکت د ثبت فیس: ۵۰۰ افغانی
د صکوکو فیس: د مالیی وزارت د لایحی سره سم
په رسمی جریده کی خپرول:
۲ افغانی پر یوه حرف/ تر ۱۰۰۰ افغانیو پوری
د سوداګریزو فعالیتونو بدلون:
د فورمی اړونده برخه ډکه کړۍ.
که چیرته د شرکت چارواکی بدلون و مومی د هغوی ۸ قطعی
عکسونه باید ضمیمه شی.
د فیس ورکړه: ۵۰۰ افغانۍ په رسمي جریده کې د خپرولو د
فیس برسېره ( د اړتیا په وخت کی)
د سوداګریزو فعالیتونو بندول
د فورمې اړونده برخه ډکه کړۍ.
د فیس ورکړه: ۵۰۰ افغانۍ په رسمي جریده کې د خپرولو د
فیس برسېره
د ثبت لپاره لس دلیلونه
-
د پانګی اچونی هڅول
-
د مشتریانو جلبول
-
د بانکی پورونو د شرایطو پوره
کول
-
دولتی خدماتو ته لاس رسی
-
د سوداګری یا د پانګی اچونی د
جواز اخیستنه
-
د تجارتی ویزی اخیستل او
مسافرت
-
د سوداګریز تړونونو پلی کول
-
د نړیوالو سوداګریزو معاملو
آسانول
-
د ګمرکی چارو د تصفیی ګړندی
کول
-
د قانون درناوی
د لازیاتو معلوماتو د ترلاسه
کولو لپاره په لاندی پته اړیکه ونیسی:
ویب پاڼه:
http://www.commerce.gov.af
|
